အစ္စရေးနိုင်ငံအကြောင်းတစေ့တစောင်း

အစ္စရေးနိုင်ငံအကြောင်းတစေ့တစောင်း


ကမ္ဘာပေါ်တွင် အစ္စရေးနိုင်ငံသမိုင်းသည်လည်း စိတ်ဝင်စားစရာကောင်းသောသမိုင်း နောက်ခံများတည်ရှိခဲ့ပေသည်။ ထိုသမိုင်း နောက်ခံများထဲမှ စိတ်ဝင်စားဖွယ်ရာကောင်းသော၊သင်ခန်းစာယူဖွယ်ရာကောင်းသော အစ္စရေးနိုင်ငံ၊ အစ္စရေးလူမျိုးများ၏ ကမ္ဘာပေါ်တွင် ရပ်တည်ရှင်သန် နေထိုင်ခဲ့ရပုံများ ကိုမှတ်သားဖွယ်ရာတွေ့ရှိရပေသည်။

အတိတ်သမိုင်း

ဣသရေလလူမျိုးများ

ဣသရေလခေါ်၊ ရေ၀တီခေါ်၊ ရဟူဒီခေါ်၊ ဟေဗြဲခေါ်၊ ဂျူးခေါ်သော လူမျိုးတစ်မျိုးသည်ရှေးဟောင်းခေတ်တွင် အင်ပါယာကြီးတစ်ခုကိုထူထောင်ခဲ့သော လူမျိုးတစ်မျိုး မဟုတ်ခဲ့သော်လည်း ယဉ်ကျေးမှု လူ့အဖွဲ့အစည်းအတွက် အရေးပါအရာရောက်သော ယဉ်ကျေးမှု အမွေအနှစ်များကို ပေးခဲ့သော လူမျိုးဖြစ်သည်။ဣသရေလ သို့မဟုတ် ဟေဗြဲလူမျိုးသည် အာမော်ရီတ၊ ကင်နာနိုက်၊ အာရာမေယန်း လူမျိုးများကဲ့သို့ပင် ဆေးမီတစ်အမျိုးအနွယ်မှပင် ဆင်းသက်လာကြသည် ဟုယူဆခဲ့ကြသည်။ ဣသရေလတို့သည် သိုးအုပ် ဆိတ်အုပ်များကို ထိန်းကျောင်း၍ ရေကြည်ရာ မြက်နုရာလှည့်လည် သွားလာနေသော လူမျိုးတစ်မျိုးဖြစ်သည်။ယနေ့ထက်တိုင် မိမိတို့၏သီးခြားယဉ်ကျေးမှုနှင့် လူမျိုးမပျောက်ပဲ ရှိနေသော ဣသရေလလူမျိုးတို့သည် အာဘရာဟမ်အမည်ရှိသော ပုဂ္ဂိုလ်မှဆင်းသက်လာကြသော လူမျိုးဖြစ်သည်ဟု ယခုတိုင် ဣသရေလလူမျိုးတို့ကယုံကြည်ကြသည်။

ပါလက်စတိုင်း(သို့မဟုတ်) ကာန်နန်ပြည် သို့ရောက်ရှိခြင်း

ဘီစီ ၁၄၀၀ လောက်တွင် လှည့်လည်ကျက်စားနေသောဣသရေလ လူမျိုးများကို ခေါင်းဆောင် ဂျိုးရှူအာက ကွပ်ကဲ၍ ဂျော်ဒန်ကို ဖြတ်ပြီး ပါလက်စတိုင်းသို့ဣသရေလများ ရောက်ရှိလာခဲ့ကြသည်။ ထို့အပြင် အီဂျစ်ကို ဟစ်ကဆိုး လူမျိုးများ ၀င်ရောက်တိုက်ခိုက်ခဲ့စဉ် ကလည်း ဟစ်ကဆိုးတို့နှင့်အတူ ဣသရေလ လူမျိုးများအများအပြားပါသွားပြီး အီဂျစ်ပြည်၌ နေထိုင်ခဲ့ကြသည်။ အီဂျစ်မှ ဣသရေလများသည် မိုးဆက်ခေါ် မောရှေ ခေါင်းဆောင်သည့် ဣသရေလ်များ တစုတရုံးကြီး အီဂျစ်မှထွက်ခွာသွားကာ ပါလက်စတိုင်းသို့ရောက်သွားကြပြီး၊ ထိုပြည်က ဌာနေလူမျိုးများနှင့် ရောယှက်သွားကြသည်။ ကာန်နန်လူမျိုးများ၏ ယဉ်ကျေးမှုနှင့် ဣသရေလတို့၏ ယဉ်ကျေးမှုများလည်း ပေါင်းစပ်တူညီသွားခဲ့ကြသည်။ ဣသရေလလူမျိုးများ တွင်မျိုးရိုးချင်းတူလျက် အုပ်စုအလိုက် (၁၂) မျိုးကွဲပြားလျက်ရှိသည်။

ဣသရေလနိုင်ငံ အစိုးရ


ဘီစီ ၁၀၂၅ နှစ်အထိ ဣသရေလ အမျိုးသားတို့၏ အစိုးရသည် သီအိုကရေစီခေါ် ဘုရားရှိခိုးကျောင်းမှ အုပ်ချုပ်သော ဘာသာရေးအုပ်ချုပ်မှုကိုကျင့်သုံးခဲ့သည်။ ရှေးဦးစွာ မောရှေက လူမျိုးအုပ်စုများကို ထိန်းချုပ်အုပ်ချုပ်ပြီးလျှင် ဘုရားသခင်၏ ပညတ်တော်များကို ဟောပြော၍ ကျင့်ဝတ်နှင့် စည်းကမ်းကို လိုက်နာအောင် ထိန်းသိမ်းခဲ့ကြသည်။

နောင်တွင် လူမျိုးအုပ်စုအလိုက် တရားသူကြီးများ ခန့်အပ်ထား၍ တရားသူကြီးများက အမှုအခင်းများ စီရင်ဆုံးဖြတ်ခြင်း၊ လုပ်ငန်းတာဝန်ခွဲဝေခြင်း၊ ကွပ်ကဲခြင်းတို့ကို တာဝန်ယူခဲ့ကြသည်။ ဣသရေလများသည် အတန်းအစား မခွဲခြားပဲ အများစုပေါင်း လုပ်ကိုင်သော ဘုံလုပ်ငန်းစနစ်နှင့် အကျိုးစီးပွားကို အများကပင် စုပေါင်းခံစားရသည့် လူနေမှုစနစ်ကို တည်ထောာင်ကျင့်သုံးခဲ့သည်။ ထို့နောက်ပိုင်းတွင် အနာဂတ်ကို အမြင်ရသူများဟု ယုံကြည်ကြသော တမန်တော်များ ပေါ်လာပြီး၊ ထိုတမန်တော်များ၏ ဟောပြောအုပ်ချုပ်မှုဖြင့် စည်းလုံးညီညွတ်စွာနေထိုင်ခဲ့ကြသည်။

ဣသရေလနန်းဆက်ပေါ်ပေါက်လာပုံ

ဖီလစ္စတင်း တို့ကပါလက်စတိုင်းကို ၀င်ရောက်တိုက်ခိုက်လာသည် ကိုသူရသတ္တိနှင့် ပြည့်စုံသော သူရဲကောင်း ဆာဦးလ်ကရွပ်ရွပ်ချွံချွံခုခံတိုက်ခိုက်ခဲ့ သောကြောင့် ဆာဦးလ်ကို တမန်တော်များ၏ သဘောတူညီချက်ဖြင့် နန်းတင်ခဲ့ကြသည်။ ထိုအချိန်မှစ၍ ဣသရေလ နိုင်ငံပေါ်ပေါက်လာပြီး ဆာဦးလ်ဘုရင် ကပထမဆုံးမင်းအဖြစ် အုပ်စိုးခဲ့သည်။ ဣသရေလတို့၏ ဘာသာအယူဝါဒ ရည်ရွယ်ချက်မှာ မိမိတို့လူမျိုးတစည်းတလုံးတည်း နေထိုင်နိုင်ရန်ဖြစ်သည်။ ဣသရေလတို့က တဆူတည်းသော ယေဟိုဗာဘုရားကိုသာ စွဲမြဲစွာ ယုံကြည်ကိုးကွယ်ကြသည်။ ဣသရေလတို့သည် ဘုရင်အုပ်ချုပ်ရေးနှင့် ဘုရားကိုးကွယ်မှုကို မရောယှက်ကြပေ။ ဘုရင်များကိုလည်း ဘုရားအဖြစ်မကိုးကွယ်ကြပေ။ ဘုရားသခင် အလိုတော်ကျ ဘုရင်များက ပြည်သူတို့ အကျိုးကို ဆောင်ရမည်ဟုသာ ယုံကြည်ကြသည်။ ဣသရေလတို့သည် စာပေတွင်လည်း ကိုယ်ပိုင်စာပေ ကိုဖန်တီးခဲ့ကြသူများ ဖြစ်ကြောင်း ဘီစီ ၁၄၀၀ ခန့်၌ နောင်တွင် ရောမအက္ခရာဖြစ်လာမည့် မူလအက္ခရာကို ဣသရေလတို့ ကတီထွင်ခဲ့ကြကြောင်း သမိုင်းအထောက်အထားများက သက်သေပြခဲ့သည်။ ပါလက်စတိုင်း၏ မြောက်ဘက်ရှိ ဣသရေလ တို့နှင့် အနွယ်တူ လူမျိုးများ နေသော ဂျူဒါ နိုင်ငံကို ဒေဗစ်ဘုရင် အုပ်စိုးသည်။ ဆာဦးလ်ဘုရင်၏ သားအစ်ရှဘလ် ဘုရင်ကွယ်လွန်သောအခါ ဣသရေလနိုင်ငံ ကဒေးဗစ်ဘုရင်ထံ သစ္စာခံခဲ့သည်။

ဒေဗစ်ဘုရင် ကွယ်လွန်သောအခါ ဆော်လမွန် ဘုရင်နန်းတက်ခဲ့သည်။ ဆော်လမွန်သည် ဥာဏ်ပညာ ထက်မြက်၍ အမြင်ကျယ်သူတစ်ဦးဖြစ်သောကြောင့် ဣသရေလ နိုင်ငံတွင် တိုးတက်မှုအများ အပြားဖြစ်ပေါ်ခဲ့သည်။ ဆော်လမွန်လက်ထက်တွင် စီးပွားကုန်သွယ်ရေး နှင့် ကုန်ထုတ်လုပ်မှုများကိုအားပေးပြီးလျှင် ကူးသန်းသွားလာရေး လမ်းမကြီးများကို ထိန်းသိမ်းစောင့်ရှောက်ပေးသည်။ ဆော်လမွန် လက်ထက်တွင် သတ္တုတူးဖော်မှု နှင့်သတ္တုကျိုချက်မှုများထွန်းကားပြီးလျှင် အပြည်ပြည်နှင့် ကူးသန်းရောင်း ၀ယ်ရေးလည်း ထွန်းကားခဲ့သည်။ ထို့အပြင် ဆော်လမွန်က ပင်လယ်နီတ၀ိုက်၌ ကုန်သွယ်မှုကို အားပေးရန်အတွက် တီယာပြည် ဟီရမ်ဘုရင် နှင့် သဘောတူစာချုပ်ချုပ်ပြီးလျှင် ကုန်တင်သင်္ဘော အမြောက်အမြားကိုလည်း တည်ဆောက်ခဲ့သည်။

သို့သော်ဆော်လမွန်တိုးချဲ့လုပ်ကိုင်သော စီမံကိန်းများမှာ ဇယားမကိုက်ခဲ့ပေ။ အဘယ်ကြောင့်ဆိုသော် ဆော်လမွန်၏ နိုင်ငံသည် သယံဇာတပစ္စည်းများ ရှားပါးပြီးလျှင် တိုးချဲ့သော လုပ်ငန်းများအတွက် ကုန်ကျစရိတ်မှာလည်း အင်မတန်ကြီးမားသောကြောင့် ဖြစ်သည်။ ထို့အပြင် စီမံကိန်းများ အတွက်ကုန်ကျသော စရိတ်များကို နိုင်ငံသားများထံမှ အခွန်ကောက်ခံ၍ ပြည်သူတို့အား အလုပ်ခိုင်းခြင်းတို့ကြောင့် ပြည်သူများက ဆော်လမွန်အပေါ် မကျေမနပ်ဖြစ်ခဲ့ကြသည်။ ဆော်လမွန်ဘုရင် ကွယ်လွန်သောအခါ ဣသရေလသည် ယခင်ကဲ့သို့ပင် တောင်ပိုင်းနှင့် မြောက်ပိုင်းဟု နှစ်ခြမ်းပြန်၍ ကွဲသွားပြီလျှင် မြောက်ပိုင်းက ဣသရေလ နိုင်ငံဖြစ်လာပြီး၊ တောင်ပိုင်းက ဂျူဒါနိုင်ငံဖြစ်လာခဲ့သည်။ ထို့နောက် အေဒီ (၇၀) ရောမလူမျိုးတို့က ဂျေရုစလင်မြို့တော်ကို တိုက်ခိုက်ဖျက်ဆီးရာမှ ဂျူးနိုင်ငံ ပျောက်ကွယ်ခဲ့ရသည်။

ဂျူးလူမျိုးတို့ရဲ့ဘ၀

၁၉ ရာစုနောက်ပိုင်းတွင် ဇီယွန်ဝါဒခေါ် ဂျူးအမျိုးသားရေးဝါဒကို သြစထရီးယား နိုင်ငံသား သီယိုဒိုးဟာဇ်က ဖော်ထုတ်ခဲ့သည်။ ဇီယွန်ဝါဒ၏ အဓိကရည်ရွယ်ချက်မှာ ကမ္ဘာအနှံ့ အပြားဂျူးလူမျိုးအတွက် ပါလက်စတိုင်းဒေသတွင် နိုင်ငံတည်ထောင်ရန်ဖြစ်သည်။ ၁၉၁၄ ခုနှစ်တွင်ဖြစ်ပွားသော ပထမကမ္ဘာစစ်အတွင်း အာရပ်တို့က တူရကီတို့ကို ပုန်ကန်ရာတွင် ဗြိတိသျှတို့က အာရပ်တို့ဘက်မှ ကူညီခဲ့သဖြင့် ပါလက်စတိုင်းဒေသကို သိမ်းပိုက်နိုင်ခဲ့သည်။ ၁၉၁၇ ခုနှစ်၊ နိုဝင်ဘာလ ၂ ရက်နေ့တွင် ဗြိတိသျှနိုင်ငံခြားရေးဝန်ကြီး အာသာဂျိမ်းဘဲလ်ဖိုးက ကြေငြာစာတမ်းတစ်ခုကိုထုတ်ပြန်ခဲ့သည်။ ထိုကြေငြာစာတမ်းတွင် ဂျူးလူမျိုးများအတွက် ပါလက်စတိုင်းဒေသ၌ နိုင်ငံတစ်နိုင်ငံတည်ထောင်ပေး နိုင်ရေးနှင့် ပတ်သက်သော သဘောထားကို ဗြိတိသျှအစိုးရက ဖော်ပြခဲ့သည်။

မကြာမီ အာရပ်နှင့် ဂျူးအမျိုးသားများ၏ ပဋိပက္ခမှုပေါ်ပေါက်လာကာ တနေ့တစ်ခြား ပြင်းထန်လာခဲ့ပြီး အကြမ်းဖက်အဓိကရုဏ်းများဖြစ်ပွားခဲ့သည်။ သည်တွင် ဗြိတိသျှအစိုးရက စုံစမ်းရေးကော်မတီရှင် တစ်ရပ်ကိုစေလွှတ်၍ပါလက်စတိုင်းဒေသတွင် ဂျူးလူမျိုးများ အခြေချ ခြင်းကိုတားမြစ်ရာရောက်သည့် စက္ကူဖြူစာတမ်းကို ၁၉၃၀ ပြည့်နှစ်တွင် လော့ဒ်ပတ်စ်ဖီးလ်က ထုတ်ပြန်ခဲ့သည်။ ထိုကြေငြာစာတမ်းသည် ဗြိတိသျှ နှင့်ဂျူးအမျိုးသားတို့၏ဆက်ဆံရေးတွင် အတားအဆီးသဖွယ် ဖြစ်လာသည်။ ဘဲလ်ဖိုးကြေငြာစာတမ်းကိုလည်း ဆန့်ကျင်သကဲ့သို့ ဖြစ်နေသည်။ သို့ဖြင့် ထိုစက္ကူဖြူစာတမ်းကို ပြန်လည်ပြင်ဆင်သည့် ကြေငြာချက်တစ်ရပ် ထုတ်ပြန်ရသည်။ ယင်းကြေငြာချက်အရ ယခင်ကတားမြစ်ထားသည့် ပါလက်စတိုင်း ဒေသအတွင်းသို့ ဂျူးလူမျိုးများ ၀င်ရောက် အခြေချခြင်းကို ပြန်လည်ခွင့်ပြုခဲ့ရသည်။ ထိုအချိန်မှစ၍ ၁၉၃၃ ခုနှစ် တိုင်အောင် အရှေ့ဥရောပနှင့် ဂျာမနီနိုင်ငံတို့မှ ဂျူးများတဖြည်းဖြည်း ၀င်ရောက်လာခဲ့သည်။ ဆက်လက်၍ ၁၉၃၃ ခုနှစ်၊ ဂျာမနီတွင် ဟစ်တလာ အာဏာရရှိသည့် အချိန်မှစ၍ ဂျာမနီနိုင်ငံနှင့် ဥရောပအလယ်ပိုင်း ဒေသတို့မှ ဂျူးလူမျိုးများသည် ပါလက်စတိုင်းဒေသသို့ အလုံးအရင်နှင့် ၀င်ရောက်လာခဲ့သည်။ အာရပ်နယ်မြေရှိ ဗြိတိသျှ စီးပွားရေးရင်းနှီးမြုပ်နှံမှုများနှင့် စူးအက်တူးမြောင်းပတ်ဝန်းကျင်ရှိ ဗြိတိသျှစစ်အခြေခံစခန်းများ လုံခြုံရေးအတွက် ဗြိတိသျှတို့သည် အာရပ်တို့နှင့် ရင်းနှီးမှု ရရန် အဖက်ဖက်မှကြိုးပမ်းခဲ့ပြီး ၁၉၃၉ ခုနှစ်တွင် ဂျူးလူမျိုးတို့လာရောက်အခြေချခြင်းကို ကန့်သတ်သည့် စက္ကူဖြူစာတမ်းတစ်စောင်ထုတ်ပြန်ခဲ့သည်။

ဂျူးလူမျိုးတို့သည် ဗြိတိသျှအစိုးရက ထုတ်ပြန်သော စက္ကူဖြူစာတမ်းကို မကြေနပ်သော်လည်း ၁၉၃၉ ခုနှစ်၊ ဒုတိယကမ္ဘာစစ်ကြီး စတင်ဖြစ်ပွားလာသောအခါ စက္ကူဖြူစာတမ်းပြဿနာကို ခေတ္တမေ့ပျောက်ထားရသည်။ ဗြိတိသျှတို့နှင့်ပူးပေါင်းကာ ဘုံရန်သူနာဇီဂျာမနီကို တိုက်ခိုက်ခဲ့သည်။ ယင်းစစ်ကြီးပြီးဆုံးတော့မှ ဂျူးတို့သည် ဗြိတိသျှအစိုးကို ပြင်းထန်စွာ ပြန်လည်တိုက်ခိုက်ကြသည်။ ဗြိတိသျှ ဆန့်ကျင်ရေး ပြောက်ကျားလှုပ်ရှားမှုများကို ဂျူးမြေအောက် အဖွဲ့အစည်းသုံးခုဖြစ်သော ဟာဂါနာ၊ အာရ်ဂွန်နှင့် စတန်းဂိုဏ်းတို့က လုပ်ဆောင်သည်။ တစ်နေ့တစ်ခြား အခြေအနေတင်းမာလာ၍ ကုလသမဂ္ဂမှ စေလွှတ်သည့် အဖွဲ့ဝင်(၁၁)ဦး ပါဝင်သော အထူးစုံစမ်းရေးကော်မရှင်က ပါလက်စတိုင်းဒေသကို အာရပ်နိုင်ငံနှင့် ဂျူးနိုင်ငံဟူ၍ ခွဲဝေပိုင်းခြားပေးရသည်။ ဂျေရုစလင် ဒေသကို နိုင်ငံတကာ အစောင့်အရှောက်ခံနယ်မြေအဖြစ် ထားရှိရန် အဆိုပြုခဲ့သည်။ ၁၉၄၇ခုနှစ်၊ နိုဝင်ဘာလ ၂၉ ရက်နေ့တွင် ကုလသမဂ္ဂအထွေထွေညီလာခံက ယင်းအဆိုပြု ချက်ကို အတည်ပြုခဲ့သည်။ ပါလက်စတိုင်းဒေသ၌ ဆူပူလှုပ်ရှားအကြမ်းဖက်မှုများ၊ မင်းမဲ့စနစ်သဏ္ဍာန် လွှမ်းမိုးလာရာ၊ ၁၉၄၈ ခုနှစ် မေလ ၁၄ ရက်နေ့တွင် ပါလက်စတိုင်းဒေသမှ ဗြိတိသျှတပ်များ ဆုတ်ခွာ၍၊ ဂျူးလူမျိုးတို့က မိမိတို့၏ ဒေသကို လွတ်လပ်သော အစ္စရေးနိုင်ငံ အဖြစ်ကြေငြာခဲ့သည်။



ထိုဒေသတွင် ယာယီအစိုးရဖွဲ့စည်းပြီး ဂျူးခေါင်းဆောင် တစ်ဦးဖြစ်သူ ဒေဗစ်ဘင်ဂူရီယန့်အား ၀န်ကြီးချုပ်ခန့်အပ်ခဲ့သည်။ ယင်းသို့ ပါလက်စတိုင်းဒေသကို အစ္စရေးနိုင်ငံတည်ထောင်လိုက်ခြင်းကို အမေရိကန်ပြည်ထောင်စု၊ ဆိုဗီယက်ပြည်ထောင်စုနှင့် ဗြိတိန်နိုင်ငံတို့က အသိအမှတ်ပြုခဲ့ကြသည်။ အာရပ်နိုင်ငံများ အဖွဲ့ချုပ်က လုံဝလက်မခံခဲ့သည့် အပြင်၊ အာရပ်ပြည်ထောင်စု သမ္မတနိုင်ငံ၊ ဂျော်ဒန်၊ ဆီးရီးယား၊ လီဘာနွန်၊ အီရတ် နှင့် ဆော်ဒီအာရေးဘီးယား နိုင်ငံများက ဆန့်ကျင်ဆန္ဒပြကာ အစ္စရေးနိုင်ငံ ကိုဝိုင်းဝန်းတိုက်ခိုက်ကြ သည်အထိ ကန့်ကွက်ခဲ့ကြသည်။ ကမ္ဘာ့ကုလသမဂ္ဂ အထူးကိုယ်စားလှယ် ကောင့်ဘာနာဒေါ့တ်၏ စေ့စပ်ဖြေရှင်းမှုကြောင့် ၁၉၄၈ ခုနှစ်၊ ဇွန်လ ၁၁ ရက်နေ့တွင် အပစ်အခတ်ရပ်စဲရန် သဘောတူညီခဲ့ကြသည်။ ကောင့်ဘာနာဒေါ့တ် လုပ်ကြံခံရ၍၎င်း၏ ရာထူးကို ဆက်ခံသော ရာလ်ဖိဘန့်ခ်ျလက်ထက် ၁၉၄၉ ခုနှစ်၊ ဖေဖော်ဝါရီလ ၂၄ ရက်နေ့တွင် အစ္စရေးနိုင်ငံက အာရပ်ပြည်ထောင်စု သမ္မတနိုင်ငံအပါ အ၀င် ဂျော်ဒန်၊ လီဘာနွန်၊ ဆီးရီးယား နိုင်ငံများနှင့် အပစ်အခတ်ရပ်ဆဲရေး သဘောတူညီချက်ကို ရိတ်နိုင်ငံပိုင် ရုတ်စ်ကျွန်းတွင် လက်မှတ်ရေးထိုးခဲ့ကြသည်။ဤသို့ဖြင့် ဂျူးလူမျိုးများ သည်ကမ္ဘာ့မြေပုံပေါ်တွင် ဂျူးလူမျိုးတို့အတွက် နေရာတစ်နေရာ ရအောင်ကြိုးစား အားထုတ်ခဲ့ကြသည်။


အစ္စရေးသမ္မတနိုင်ငံ

အစ္စရေး သမ္မတနိုင်ငံသည် အရှေ့အလယ်ပိုင်းဒေသ၌ မြောက်လတ္တီတွဒ် ၂၉ ၂၈ ဒီဂရီစင်တီဂရိတ် နှင့် ၃၃ ၁၄ ဒီဂရီစင်တီဂရိတ်ကြား၊ အရှေ့လောင်ဂျီတွဒ် ၃၄ ၂၅ ဒီဂရီစင်တီဂရိတ် နှင့် ၃၅ ၃၂ ဒီဂရီစင်တီဂရိတ် အကြားတွင်တည်ရှိသည်။ အစ္စရေးနိုင်ငံ မြောက်ဖက်တွင် လီဘာနွန်နိုင်ငံ၊ အရှေ့မြောက်ဖက်တွင် ဆီးရီးယားနိုင်ငံ၊ အရှေ့ဖက်တွင် ဂျော်ဒန်နိုင်ငံ၊ တောင်ဖက်တွင် အက္ကဘာပင်လယ်ကွေ့၊ အနောက်တောင်ဖက်တွင် အာရပ်ပြည်ထောင်စု သမ္မတနိုင်ငံ၊ အနောက်ဖက်တွင် မြေထဲပင်လယ်တို့ဝန်းရံလျက်ရှိသည်။

မြေမျက်နှာပြင် ပထ၀ီအနေအထားအရ အစ္စရေးနိုင်ငံကို လေးပိုင်းခွဲခြားထားသည်။ ၎င်းတို့မှာ-

၁။ တောင်တန်းဒေသ

၂။ ကမ်းခြေလွင်ပြင်ဒေသ

၃။ ကန္တာရဒေသ

၎။ မြစ်ဝှမ်းဒေသ တို့ဖြစ်သည်။

တောင်တန်းဒေသမှာ မြောက်ပိုင်းတွင်ရှိ၍ ဂယ်လီလီ၊ ဂျူဒါနှင့် ဆမာရီရာဒေသများ ပါဝင်ပြီး အချို့နေရာများတွင် ပေ ၄၀၀၀ခန့်မြင့်မားသည်။ ကမ်းခြေလွင်ပြင်ဒေသမှာ အလယ်ပိုင်းတွင်ဖြစ်၍၊ ဂါဇာရေလက်ကြားမှ အက်စ်ဒရေလွန်-လွင်ပြင်အပါအ၀င် အာခ်ရာမြို့မြောက်ပိုင်းအထိ ကျယ်ပြန့်သည်။ သဲကန္တာရဒေသမှာ ဘာရှီဘာမြို့ တောင်ပိုင်းမှ အက္ကဘာ ပင်လယ်ကွေ့အထိ ကျယ်ဝန်းသည့် တရိဂံ ပုံသဏ္ဍာန်ရှိသောနီဂေ့ဒေသဖြစ်သည်။ ဂျော်ဒန်မြစ်ဝှမ်းဒေသတွင် ဟူလာဒေသ၊ တိုင်တီးရီးယပ်စ်ဒေသနှင့် ပင်လယ်သေ အနောက်တောင်စွန်းဒေသများ ပါဝင်သည်။



နိုင်ငံအကျယ်အ၀န်း စတုရန်းမိုင်ပေါင်း (၇၉၉၃) ခန့်ရှိသည်။အစ္စရေးနိုင်ငံသည် ပူအိုက်ခြောက်သွေ့သော ရာသီဥတုနှင့် ဆောင်းရာသီ မိုးရွာသော မြေထဲပင်လယ်ရာသီ ဥတုမျိုးရှိသည်။ တစ်နိုင်ငံလုံးအပူချိန်မှာ ၄၀ ဒီဂရီဖာရင်ဟိုက်မှ ၁၀၀ ဒီဂရီ ဖာရင်ဟိုက်အတွင်း ရှိသည်။ ပင်လယ်ရေမျက်နှာပြင်အောက် ချိုင့်ဝှမ်းဒေသများတွင် အပူရှိန်လွန်စွာ ပြင်းထန်ပြီး ၁၀၀ ဒီဂရီ ဖာရင်ဟိုက်ကျော်သည်။ မိုးရေချိန်မှာ ဒေသတစ်ခုနှင့် တစ်ခု လွန်စွာကွာခြားသည်။ မြောက်ပိုင်းရှိ ဂယ်လီလီ အထက်ပိုင်းတွင် နှစ်စဉ်ပျှမ်းမျှ မိုးရေချိန် လက်မ ၄၀ ကျော်ရွာသွန်းသည်။ တောင်ဖက်စွန်းရှိ အီလတ်မြို့တွင် ၄ လက်မခန့်သာရွာသွန်းသည်။ ဆောင်းရာသီတွင် ဂျေရုစလင်မြို့၌ ဆီးနှင်းများလက်မပေါင်းများစွာ ထူထပ်အောင် ကျဆင်းသည်။ ဂယ်လီလီ ထက်ပိုင်းတွင်မူ ပေပေါင်းများစွာထူထပ်အောင်ကျဆင်းသည်။

အစ္စရေးမြို့တော်မှာ တဲလ်အဗစ် ဖြစ်သည်။ ထင်ရှားသောမြို့ကြီးများမှာ ဟိုင်ဖာ၊ ဂျေရုစလင်၊ ဘာရှီဘာ၊ အက်ရ်ှဒေါ့ဒ်၊ အက်ရ်ှကလွန် နှင့် လော့ဒ်မြို့တို့ဖြစ်သည်။ မော်တော်ကားလမ်းမှာ မိုင်ပေါင်း (၂၅၀၀) ခန့်ရှိသည်။ အီလတ်မြု့မှ ဟိုင်ဖာမြို့ထိ ဖောက်လုပ်ထားသော လမ်းမကြီးသည် ပင်လယ်နီ နှင့် မြေထဲပင်လယ်ကို ဆက်သွယ်ထား၍ အစ္စရေးနိုင်ငံ၏ စူးအက်တူးမြောင်းဟု တွင်သည်။ မီးရထားလမ်းမှာ မိုင်ပေါင်း (၄၅၄) မိုင်မျှ ရှိသည်။ ရေကြောင်းလမ်းမှာ အဓိက သင်္ဘောဆိပ်သုံးခု ရှိသည်။ ခေတ်မီ၍ အကြီးကျယ်ဆုံးသော ဆိပ်ကမ်းမှာ ဟိုင်ဖာသင်္ဘောဆိပ်ဖြစ်သည်။ဇင်းမ် ရေကြောင်းကုမ္ပဏီ သည် အစ္စရေးနိုင်ငံ၏ အကြီးဆုံးသော သင်္ဘောဆိပ်ကုမ္ပဏီဖြစ်သည်။ ကုန်သွယ်သင်္ဘောများကို အစဉ်တိုးချဲ့လျက်ရှိသည်။ ၁၉၆၅ ခုနှစ်တွင်စတင် အသုံးပြုခဲ့သော အက်ရ်ှဒေါ့ဒ်သင်္ဘောဆိပ်သည် နီဂေ့ဒေသမှ ထွက်သော တွင်းထွက်ပစ္စည်းများကို တင်ပို့ရာ သင်္ဘောဆိပ်လည်း ဖြစ်သည်။ တတိယသင်္ဘောဆိပ်မှာ အစ္စရေးနိုင်ငံ တောင်ဖက်စွန်းရှိ အီလတ်မြို့တွင်တည်ရှိ၍ အာရှ၊ အာဖရီက နိုင်ငံများနှင့် ကုန်သွယ်သည့်သင်္ဘောဆိပ် ဖြစ်သည်။

အစ္စရေးနိုင်ငံ၏ ပြည်ပလေကြောင်း သယ်ယူပို့ဆောင်ရေး လုပ်ငန်းများကို အဲလ်အဲလ် လေကြောင်းကုမ္ပဏီက ဆောင်ရွက်လျက်ရှိပြီး နိုင်ငံတကာ လေကြောင်းကုမ္ပဏီ(၁၄) ခုနှင့်ဆက်သွယ်ထားသည်။ တဲလ်အဗစ်မြို့အနီးရှိ လော့ဒ်မြို့တွင် နိုင်ငံတကာလေဆိပ် ရှိသည်။ ပြည်တွင်းလေကြောင်းသယ်ယူပို့ဆောင်ရေး လုပ်ငန်းများကို အဲလ်အဲလ်လေကြောင်း ကုမ္ပဏီ၏ ဌာနခွဲဖြစ်သော အာကီယာက ဆောင်ရွက်သည်။ ပြည်တွင်းလေဆိပ်များမှာ ဟိုင်ဖာ၊ ဂျေရုစလင်၊ ဂယ်လီလီ၊ ဟာဇ်လီယာ၊ မဆာဒါနှင့် အီလတ်တို့ဖြစ်သည်။

အစ္စရေး လူဦးရေ သုံးသန်း အနက် ၈၉ ရာခိုင်နှုန်းသည် ဂျူးလူမျိုးများဖြစ်သည်။ ကျန်လူဦးရေမှာ အာရပ်လူမျိုးများ ဖြစ်သည်။ ဟီဘရူး နှင့်အာရပ်ဘာသာစကားတို့သည် တရားဝင်ရုံးသုံး ဘာသာစကားများဖြစ်သည်။ အင်္ဂလိပ်ဘာသာစကား ကိုစီးပွားရေးရာ ကိစ္စများတွင် အသုံးပြုသည်။ ကိုးကွယ်သော ဘာသာမှာ ရဟူဒီ ဘာသာ၊ အစ္စလာမ် ဘာသာနှင့် ခရစ်ယာန်ဘာသာတို့ ဖြစ်သည်။

လွတ်လပ်ရေးကို ၁၉၄၈ ခုနှစ်၊ မေလ ၁၄ ရက်နေ့တွင်ရရှိပြီး ၊ ၁၉၄၉ ခုနှစ်၊ မေလ ၁၁ရက်နေ့တွင် ကုလသမဂ္ဂ၀င်နိုင်ငံဖြစ်လာသည်။ ၎င်းတို့အလံမှာ အဖြူခံပေါ်တွင် အလျားလိုက် အပြာစင်းနှစ်ခု အထက်အောက်ပါရှိပြီး အလယ်တွင် ဒေးဗစ်ဘုရင်၏ တံဆိပ်ဖြစ်သော ထောင့်ခြောက်ခုပါ ကြယ်ပွင့်ပါရှိသည်။ ကုလသမဂ္ဂအပြည်ပြည်ဆိုင်ရာ ကလေးများ ပညာရေး ရန်ပုံငွေ အဖွဲ့ နှင့် ကုလသမဂ္ဂငြိမ်းချမ်းရေး ကွပ်ကဲကြီးကြပ်ရေး အဖွဲ့များထားရှိကာ နိုင်ငံတာကာ အဖွဲ့အစည်းများနှင့် ဆက်သွယ်ထားသည်။



စီးပွားရေး

အစ္စရေးနိုင်ငံ၏ စီးပွားရေးမှာ နိုင်ငံပိုင်နှင့် ပုဂ္ဂလိကပိုင်တို့ ပေါင်းစပ်ရောနှောလျက် ရှိသည်။ နိုင်ငံခြားရင်းနှီးမြုပ်နှံမှုများ ဖြင့်လုပ်ကိုင်သော စီးပွားရေးလုပ်ငန်းများလည်း ရှိသည်။ ပြည်တွင်း အဓိက စီးပွားရေးလုပ်ငန်းမှာ သတ္တုတူးဖော်ရေး လုပ်ငန်းဖြစ်သည်။ ကမ္ဘာအနှံ့အပြားရှိ ဂျူးလူမျိုးအဖွဲ့များက ငွေကြေးလက်ဆောင်ပေးခြင်းဖြင့်၎င်း၊ အစ္စရေးအစိုးရထံမှ စာချုပ်များ ကိုဝယ်ယူခြင်းအားဖြင့် ၎င်းအစ္စရေးနိုင်ငံ၏ စီးပွားရေးကို ကူညီထောက်ပံ့ကြသည်။ အမေရိကန်ပြည်ထောင်စုမှ ထောက်ပံ့ငွေနှင့် ကုလသမဂ္ဂ အတတ်ပညာဆိုင်ရာ ထောက်ပံ့မှုများကိုလည်း ရရှိခဲ့သည်။ အစ္စရေးပေါင်ငွေကို ငွေကြေးအဖြစ် အသုံးပြုသည်။

၁၉၇၀ ပြည့်နှစ်၊ ကုလသမဂ္ဂခန့်မှန်းခြေစာရင်း အရ တမျိးသားလုံး၏ ကုန်ထုတ်လုပ်မှု တန်ဖိုးစုစုပေါင်းမှာ အစ္စရေးပေါင် ၁၈၉၀ ကုဋေတန်ဖိုးရှိသည်။သယံဇာတ အဓိကတွင်းထွက် ပစ္စည်းများမှာ ပိုတက်ရှိနှင့် ဘရိုမင်းတို့ဖြစ်သည်။ ထို့ပြင် ရေနံ ၊စိန်၊ ကြေးနီ၊ ဖော့စ်ဖိတ်၊ မင်းဂနီးစ်၊ သံရိုင်း၊ ဆား၊ သဘာဝဓာတ်ငွေ့၊ လချေးတို့ကိုတူးဖော်ရရှိသည်။ အဓိက စိုက်ပျိုးရေး လုပ်ငန်းမှာ ရှောက်၊ သံပုရာ နှင့် စပျစ်စိုက်ပျိုးရေး တို့ဖြစ်သည်။ သံလွင်၊ ဆေး၊ ဟင်းသီးဟင်းရွက်၊ ငှက်ပျော ၀ါဂွမ်း၊ ကြံ၊ အာလူး၊ မြေပဲတို့ကိုလည်း စီးပွားဖြစ် စိုက်ပျိုးသည်။ စိုက်ပျိုးရေးတွင် ရေသွယ်ယူစိုက်ပျိုးခြင်းနှင့် အခြောက်စိုက်ပျိုးခြင်းဟူ၍ နှစ်မျိုး ဖြစ်သည်။

သိုးနွား ကိုစီးပွားဖြစ်မွေးမြူကြသည်။ သိုးကိုအသားစားရန်အတွက်နှင့် သိုးမွေးအတွက် သီးသန့်မွေးမြူသည်။ မြေထဲပင်လယ်၊ ပင်လယ်နီ နှင့် အတ္တလန္တိတ် သမုဒ္ဒရာတို့တွင် စနစ်တကျ ငါးဖမ်းခြင်းအပြင် ကင်နာရက်အိုင်နှင့် ရေကန်ကြီးများကို တူး၍လည်း ငါးမွေးမြူရေးကို လုပ်ကိုင်ကြသည်။ စိန်၊ လယ်ယာထွက်ကုန်ပစ္စည်းများ၊ စားကုန်သောက်ကုန်များ၊ ဓာတ်သတ္တုပစ္စည်းများ၊ တွင်းထွက်ပစ္စည်းများ၊ စက်မှုလုပ်ငန်းထွက် ကုန်များကို ပြည်ပသို့တင်ပို့သည်။ စက်မှုလုပ်ငန်းဆိုင်ရာ ကုန်ကြမ်းများ၊ စက်ပစ္စည်းများ၊ ရေနံထွက်ပစ္စည်းများ၊ စားကုန်သောက်ကုန်များ ၊ စိုက်ပျိုးရေးဆိုင်ရာ ပစ္စည်းများ ၊ ဆောက်လုပ်ရေး ပစ္စည်းများ၊ ယာဉ်နှင့်ယာဉ်အပိုပစ္စည်းများ၊ သင်္ဘောများ နှင့်လေယာဉ်ပျံများကို ပြည်တွင်းသို့တင်ပို့ တင်သွင်းသည်။

ပညာရေး

အသက် ၅ နှစ်မှ ၁၄ နှစ်အတွင်း ကလေးများအတွက် အခမဲ့ မသင်မနေရ ပညာရေးစနစ် ပြဋ္ဌာန်းထားသည်။ အင်္ဂလိပ်ဘာသာမှာ အဓိကနိုင်ငံခြားဘာသာဖြစ်ပြီး အချို့ကျောင်းများတွင် ပြင်သစ်ဘာသာကိုသင်ကြားသည်။ ဂျူးဘာသာသင်ကျောင်းများတွင် ဟီးဘရူးဘာသာကို သင်ကြားပြီး အာရပ်ဘာသာ သင်ကျောင်းများတွင် အာရပ်ဘာသာကို သင်ကြားစေသည်။ ဟီဘရူးဘာသာ သင်ကျောင်း ၄၉၈၂ ကျောင်း ရှိသလို၊ အာရပ်ဘာသာသင် ကျောင်း ၃၇၄ ကျောင်းခန့်ရှိသည်။ တက္ကသိုလ်များမှာ တဲလ်အဗစ် တက္ကသိုလ်၊ ဂျေရုစလင်တက္ကသိုလ်၊ ရာမတ်ဂန်ဘာအီလန် ဘာသာရေးတက္ကသိုလ်၊ ဟိုင်ဖာစက်မှုတက္ကသိုလ်၊ ရက်ဟိုဗောက်ဝီးဇ်မင်းသိပ္ပံတက္ကသိုလ်တို့ရှိသည်။ ကျောင်းသားများ အတွက်အသက် (၁၄) နှစ်မှစ၍ကျောင်းပိတ်ချိန်တို့ကို အထူးအသုံးပြုခါ စစ်ပညာသင်ကြားစေ သည်။ လက်နက်ကိုင်၍ စစ်ပညာ အခြေခံကို သင်ကြားပြသည်မှလွဲ၍ အခြားသင်ကြား သည်မှာ စကောက်သင်တန်းနှင့် ဆင်တူရိုးမှားများဖြစ်သည်။

ကျန်းမာရေး

ပြည်သူ့ ကျန်းမာရေးအတွက် ကျန်းမာရေး ၀န်ကြီးဌာနက တာဝန်ယူသည်။ ဟစ်စတာဒရုဒ်မြို့တွင် ကူပတ်ဟိုလင် ကျန်းမာရေးအာမခံ ရန်ပုံငွေအသင်းသည် အစ္စရေးနိုင်ငံ၏ အကြီးမားဆုံးသော ကျန်းမာရေး အဖွဲ့အစည်းဖြစ်သည်။ ထိုအဖွဲ့အစည်းက ဆေးရုံများ၊ ဆေးပေးခန်းများ၊ ဆေးဆိုင်များ၊ ဓာတ်ခွဲခန်းများ၊ မိခင်နှင့် ကလေးစောင့်ရှောက်ရေး အဖွဲ့များ နှင့် ဆေးဖက်ဆိုင်ရာ သုတေသနဌာနတို့ကို ဖွင့်လှစ်ထားသည်။

ကာကွယ်ရေး

နိုင်ငံတော် စစ်မှုထမ်း ဥပဒေအရ အသက်၁၈ မှ ၂၆ နှစ်အတွင်း အမျိုးသားတိုင်း ၂နှစ်နှင့် ခြောက်လစစ်မှုထမ်းရပြီး၊ အိမ်ထောင်မပြုသေးသော အမျိုးသမီးတိုင်း ၂ နှစ် စစ်မှုထမ်းရသည်။ အစ္စရေးတပ်မတော်တွင် သုံးမျိုးသုံးစားရှိသည် ……..

၁။ အမြဲတမ်းစစ်တပ်(Regular Army)

တပ်မတော်သားအဖြစ် အမှုထမ်းနေကြသော အင်အားဖြစ်သည်။

၂။ ပြည်သူ့စစ်မှုထမ်း(National Service)

အရွယ်ရောက်သူတိုင်း စစ်ထဲမ၀င်မနေရ ဥပဒေအရ ခေတ္တတာဝန်ထမ်းဆောင် ရသူများဖြစ်ပြီး၊ တာဝန်ပြီးဆုံးချိန်တွင် အမြဲတတမ်းတပ်သို့ ၀င်ရောက်သူများမှ အပ ကျန်သူများ အရပ်သားအဖြစ်သို့ ပြန်ရောက်ကြသည်။

၃။ အရံစစ်တပ်(Reserve Service)

ပြည်သူ့စစ်မှုထမ်းပြီးဆုံးသူများ၊ ၎င်းပြင်ပြည်သူ့စစ်မှုထမ်းအတွက် ခေါ်ယူရန် အသက်ပိုင်းကျော်လွန်ပြီးသူများအားလုံးသည် အရံတပ်စစ်မှုထမ်းများဖြစ်ကြသည်။ ယောင်္ကျား (၄၉) နှစ်၊ မိန်းမ (၃၄) နှစ်ထက် အသက်ကျော်လျှင် စစ်အတွင်းမှလွဲ၍ စစ်မှုထမ်းမခေါ်နိုင်ပေ။

ထိုသုံးမျိုးမှာ အရွယ်ရောက်သော (၁၈) နှစ်မှစ၍ တိုင်းသူပြည်သား ယောင်္ကျား-မိန်းမများ ပါဝင်ကြသည်။ ခလေးများအတွက် (၁၄) နှစ်မှစ၍ ကျောင်းပိတ်ချိန်တို့ကို အထူးအသုံးပြုကာ စစ်ပညာသင်ကြားစေသည်။

အုပ်ချုပ်မှု

လွတ်လပ်သော သမ္မတနိုင်ငံအဖြစ် အုပ်ချုပ်သည်။ နက်ဆက်လွှတ်တော်တွင် နိုင်ငံရေး အာဏာရှိသည်။ လွှတ်တော်သက်တမ်းမှာ လေးနှစ်ဖြစ်ပြီး အဖွဲ့ဝင် ၁၂၀ ကို ပြည်သူလူထုက အချိုးက ကိုယ်စားလှယ်ရွေးချယ်တင်မြှောက်သည့် စနစ်ဖြင့် ရွေးကောက်တင်မြှောက်ရသည်။ ၀န်ကြီးချုပ် နှင့် ၀န်ကြီးအဖွဲ့ပါဝင်သော အစိုးရအဖွဲ့သည် လွှတ်တော်ကို တာဝန်ခံရသည်။ လွှတ်တော်က ရွေးချယ်တင်မြှောက်သော ငါးနှစ်သက်တမ်းရှိ သည့် သမ္မနိုင်ငံ၏ အကြီးအကဲဖြစ်သည်။ အစ္စရေးနိုင်ငံတွင်အက္ခရာတင်ထားသော ဖွဲ့စည်းအုပ်ချုပ်ပုံအခြေခံဥပဒေ သီးခြားမရှိပေ။ ပါလီမန်သည် ဖွဲ့စည်းအုပ်ချုပ်ပုံရေးဆွဲပြဋ္ဌာန်း ရန် အဆိုပြုချက်များကို ပယ်ချခဲ့ပြီး သီးခြားဥပဒေများ ပြဋ္ဌာန်းရင်းဖြင့် ဖွဲ့စည်းဖြစ်ပေါ်လာမည့် ဖွဲ့စည်းအုပ်ချုပ်ပုံအခြေခံဥပဒေ ထားရှိရေးကို မဲပေးဆုံးဖြတ်ကြသည်။

အစ္စရေးကာကွယ်ရေး ၀န်ကြီးဌာနကို အတွင်းဝန်များရုံးနှင့် (General Staff) ရုံးဟူ၍ နှစ်နေရာခွဲထားသည်။ အတွင်းဝန်များရုံးတွင် အရံတပ်စစ်မှုထမ်းများ အမှုထမ်းလျက် ဘဏ္ဍာရေးဌာန၊ လူအင်အားဌာန၊ စစ်လက်နက်ပစ္စည်းဝယ်ယူမှုဌာန၊ စစ်ဘက်စက်မှုလက်မှု ထုတ်လုပ်ရေးဌာန၊ ရှာဖွေစီမံရေးဌာန၊ ထောက်ပံ့ရေးဝယ်ယူမှုဌာန၊ စစ်အုပ်ချုပ်ရေးဌာန၊ လူငယ်ဌာန၊ တရားရေးဌာန စသည်တို့ရှိသည်။ General Staff ရုံးတွင် တပ်မတော်သားများ အမှုထမ်းလျက် စစ်ဦးစီးဌာန၊ စစ်ရေးချုပ်ဌာန၊ စစ်ထောက်ချုပ်ဌာန၊ ထောက်လှမ်းရေးဌာနများ ရှိကြပြီး စစ်ဆင်ရေး၊ ဖွဲ့စည်းရေးတပ်များ၊ အုပ်ချုပ်ရေး ထောက်ပံ့ရေး၊ လေ့ကျင့်ရေးစသည့် ဌာနခွဲများ တပ်အမျိုးအစားလိုက်၍ ခွဲခြားထားရှိသည်။ အတွင်းများရုံး သည်အရပ်သားများ နှင့်တိုက်ရိုက်သက်ဆိုင်ပြီး အရံစစ်မှုထမ်းများ အမှုထမ်းလျက်၊ General Staff မှာ စစ်ဘက်၊ တပ်မတော်ဘက်နှင့် တိုက်ရိုက်ပတ်သက်သော ကာကွယ်ရေးဝန်ကြီး၏ ညွှန်ကြားချက်များကို တာဝန်ယူလုပ်ကိုင်ရသည်။ ထို့အပြင်အချို့ဌာနများဖြစ်သော စစ်လက်နက်ပစ္စည်းဝယ်ယူရေး ဌာန၊ ထောက်ပံ့ရေးဝယ်ယူမှုဌာနနှင့် လူငယ်ဌာနတို့၏ ဌာနမှုးများမှာ ယူနီဖောင်းဝတ် စစ်မှုထမ်းများဖြစ်ကြသည်။




အင်အားနည်းသော်လည်းစွမ်းအားမနည်းပါ

အစ္စရေးတပ်မတော်

သဲကန္တာရ နှင့် ကျောက်မြေများဖြင့်သာ ပြည့်လွှမ်းနေသောတည်နေရာ။ နိုင်ငံအကျယ် အ၀န်းအားဖြင့်စတုရန်းမိုင်ပေါင်း ၈၀၀၀ ခန့်သာရှိသော အစ္စရေးပြည်။ လူဦးရေ ၂ သန်းကျော်မျှဖြင့် ၁၉၄၈ ခုနှစ် ၊မေလတွင် ဗြိတိသျှတို့၏ ပါလက်စတိုင်းပြည် ဘုရင်ဒိတ်ထရီ အုပ်ချုပ်ရေး ရုပ်သိမ်းလိုက်သည့် အချိန်တွင် လွတ်လပ်ရေး ကြေငြာနိုင်ခဲ့သည်။

လွတ်လပ်ရေးမရမီကပင် လွန်ခဲ့သော နှစ်ပေါင်း (၃၀) အတွင်း ဗြိတိသျှတို့၏ ဖိနှိပ်ချုပ်ချယ်မှုများကို တော်လှန်ခဲ့ကြသည်။ ကျွန်ုပ်တို့နိုင်ငံကဲ့သို့ အမျိုးမျိုးသော နိုင်ငံရေးလှုံ့ ဆော်မှုများပြုခဲ့သည်။ နိုင်ငံရေး ပဋိပက္ခများရှိခဲ့သည်။ ဒုတိယကမ္ဘာစစ်အတွင်းက ပထမ မဟာမိတ်တပ်များ လက်အောက်ခံဂျူးတပ်ကို ဖျက်သိမ်းလိုက်ရာ၊ ထိုစဉ်က အဆောက်အအုံ ကြီးမားနေပြီဖြစ်သော ဟာဂါနာခေါ် မြေအောက်လွတ်မြောက်ရေးတပ်မတော်သို့ အများအပြား ၀င်ရောက်သွားကြပြီး ဗြိတိသျှတို့အား အနှေင့်အယှက် အမြဲပေးခဲ့သည်။ နောက်ဆုံး အမေရိကန်ပြည်၏ အကူအညီဖြင့် ဂျူးများ၏ လွတ်လပ်သောနိုင်ငံ တည်ဆောက်ရေးကိစ္စကို ဗြိတိသျှတို့က ကုလသမဂ္ဂအရောက် ပို့ပေးရသည် အထိ အောင်မြင်ခဲ့သည်။ သို့ဖြင့် ဗြိတိသျှတို့က ပါလက်စတိုင်းပြည်မှ ထွက်ခွာပေးသွားရသည်။ ယင်းသို့ အစ္စရေးနိုင်ငံတွင် လွတ်လပ်ရေးရရှိအောင် စွမ်းဆောင်ခဲ့သော နိုင်ငံရေး ခေါင်းဆောင်မှာ ဆိုရှယ်လစ်ပါတီ အင်အားစုကြီးမားသော (Histadruth) ခေါ် (General Federations of Labour) အဖွဲ့ချုပ်ကြီး ဖြစ်သည်။ ထိုစဉ်က အစ္စရေးနိုင်ငံတွင် နိုင်ငံရေးပါတီ ပေါင်းစုံ ပါဝင်လျက်ရှိသည်။ မာပိုင်းဆိုရှယ်လစ်ပါတီ၊ ဘာသာရေးပါတီ၊ တိုးတက်ရေးပါတီ၊ ကွန်မြူနစ်ပါတီ စသည်တို့ဖြစ်သည်။ ရွေးကောက်ပွဲတွင်မူ တသီးတခြားစီ ပါတီအမည်ဖြင့် ၀င်ရောက်ကြသည့် လွှတ်တော်၏ အမတ်ဦးရေကို တွက်ချက်ရာတွင် အဖွဲ့ချုပ် အမတ်ဟူ၍ မခေါ်ဆိုပေ။ ဆိုင်ရာပါတီ၏ အမည်ဖြင့်သာ ခေါ်ဆိုရေတွက်သည်။ အလုပ်အမှုဆောင် ကော်မတီတွင်သာ ပါတီအသီးသီးမှ ကိုယ်စားလှယ်များ ထည့်သွင်းထားသည်။

မာပိုင်းဆိုရှယ်လစ်ပါတီသည် အင်အားကြီးမားဆုံးဖြစ်လျက် အဖွဲ့ချုပ်ကြီး၏ ကြိုးကိုင် ပါတီဖြစ်ခဲ့သည်။ အစိုးရအဖွဲ့တွင်ဝန်ကြီးချုပ်နှင့် နိုင်ငံခြားရေးဝန်ကြီး၊ ကာကွယ်ရေးဝန်ကြီး၊ ဘဏ္ဍာရေးဝန်ကြီး၊ ပြည်ထဲရေးဝန်ကြီး၊ အလုပ်သမားဝန်ကြီး စသည်ဖြင့် လူများစုမှာ မာပိုင်းပါတီမှဖြစ်သည်။ ကျန်ရှိသော ရဲဌာန၀န်ကြီး၊ သာသနာရေးဝန်ကြီး၊ ခရီးလမ်းပန်းဆက်သွယ်ရေးဝန်ကြီး နေရာတို့ကို လူနည်းစုပါတီများက ရရှိကြသည်။ အစ္စရေးပြည်အစိုးရသည် နှစ်ပေါင်းများစွာ နိုင်ငံအရေးကြိုးပမ်းမှုဖြင့် ပြည်သူပြည်သားတို့၏ အဖွဲ့အစည်းများမှအာဏာကိုရရှိ၍ တက်ရောက်လာသော အစိုးရဖြစ်သည်။ ထို့ကြောင့်အများ ပြည်သူတို့၏ ကောင်းစားရေး၊ တိုင်းပြည်၏ စီးပွားရေး ဖွံ့ဖြိုးတိုးတက်ရေးတို့တွင် ပြည်သူပြည်သားတို့၏ အဖွဲ့အစည်းတို့ဖြင့် ပူးပေါင်းလုပ်ကိုင်ဆောင်ရွက်လာခဲ့သည်။ ထိုဝါဒမှာ အစ္စရေးတို့အား နိုင်ငံတစ်ခုအဖြစ် ကြေငြာနိုင်အောင် အားပေးအားမြောက်လုပ်ခဲ့သော အမေရိကန်နိုင်ငံတွက် သဘောကျသောဝါဒမဟုတ်ပေ။ အမေရိကန်ပြည်တွင် ဂျူးလူဦးရေ (၆)သန်းမျှရှိရာ အစ္စရေးပြည်၏ လူဦးရေထက်(၃) ဆရှိသည်။ စက်မှုလက်မှု တည်ထောင်ခြင်း တွင် ချမ်းသာသော အမေရိကန်ဂျူးများ၏ အကူအညီမှာ သော့ချက်ကြီးပင်ဖြစ်သည်။ တည်ထောင်ထားသော စက်ရုံကြီးများတွင် ၎င်းဂျူးများ၏ ငွေပင်ငွေရင်း (၄၉) ရာခိုင်နှုန်းပါရှိသည်။ ထိုစဉ်က အမေရိကန်အစိုးရသည် အာရပ်နိုင်ငံများကို စီးပွားရေး၊ စစ်ရေးထောက်ပံ့ခြင်းများ ပြုလုပ်နေသည်ကို အစ္စရေးက အပြင်းအထန်ကန့်ကွက်နေချိန် ဖြစ်သည်။ အာရပ်နိုင်ငံတို့ကလည်း အစ္စရေးပြည်သည် ကွန်မြူနစ်နှင့် နီးစပ်သောဝါဒ ထားရှိသည်ဟု ၀င်ရောက်တိုက်ခိုက်ကြစဉ်က အကြောင်းပြခဲ့ဘူးသည်။ နိုင်ငံပေါးချုပ် အစည်းအဝေးများတွင်လည်း အစ္စရေးတို့က အမေရိကန်ဘက်က အမြဲတမ်းမျက်စိမှိတ် ထောက်ခံသည်မဟုတ်၊ ထို့ကြောင့် အမေရိကန်ခေါင်းဆောင်အတော် များများက ခေါင်းမာသော အစ္စရေးကိုသဘောကျနေသည်မဟုတ်ပေ။

ဟာဂါနာခေါ် မြေအောက် တော်လှန်ရေးတပ်သည် အစ္စရေး ကာကွယ်ရေး တပ် (Israel Defence Army) အဖြစ်သို့ လွတ်လပ်ရေးရသည့် အချိန်မှာပင် ပြောင်းလဲလာသည်။ တော်လှန်ရေးတပ်ကို အခြေခံ၍ တည်ဆောက်ခဲ့ရသော တပ်မတော်တွင် ထိုတော်လှန်ရေးတပ်၏ ခေါင်းဆောင်ခဲ့သူများပင် ဦးစီးခဲ့သည်။ လွတ်လပ်ရေးကြေငြာသည် နှင့်တပြိုင်နက် ဘေးပတ်လည်ဝိုင်းနေသော အာရပ်နိုင်ငံအားလုံးက အစ္စရေးပြည်ကို စစ်ကြေငြာ တိုက်ခိုက်ကြရာ၊ လူဦးနေတသန်းမျှပင် မရှိသေးသော နိုင်ငံသည် သန်းပေါင်း (၄၀) မျှရှိသော အာရပ်နိုင်ငံတို့နှင့် ၁၉၄၈-၄၉ ခုနှစ်များတွင် အတော်ပင်မမျှမတ ခုခံတိုက်ခုက်ခဲ့ရသည်။ ဗြိတိသျှ နှင့်တိုက်ခိုက်ရန် မြေပေါ်မြေအောက် စုဆောင်းထားသော အစ္စရေးတပ်များမှာ လက်နက်အကြီးစားဟူ၍မရှိ၊ ချက်ကိုစလိုဗေးကီးယားမှ ၀ယ်ယူထားသော ရိုင်ဖယ်သေနတ်နှင့် မောတာအချို့သာရှိသည်။ အာရပ်နိုင်ငံများက လက်နက်ကြီး၊ငယ်၊ တင့်ကားများ၊ သံချပ်ကာကားများ လေတပ်များ ပါဝင်သည့် စစ်သည်အင်အား ငါးသောင်းဖြင့် စတင်တိုက်ခိုက်သည်။ တစ်နိုင်ငံအတွင်း တစ်နိုင်ငံအတော်ပင် ၀င်ရောက်မိချိန်တွင် ကုလသမဂ္ဂ၏ စစ်ရပ်စဲရေး ဆုံးဖြတ်ချက်ကြောင့် နှစ်ဦးနှစ်ဘက်သက်သာရာရသွားသည်။ ထိုအချိန်မှစ၍ အစ္စရေးတို့သည် နယ်ခြားလုံခြုံရေးကို အထူးဂရုပြုလျက်ရှိကြသည်။ စစ်တပ်များလည်း နယ်ခြားဒေသများတွင် အလုံးအရင်းဖြင့်ထားရှိလေ့ကျင့်စေခဲ့သည်။

အာရပ်နိုင်ငံတို့ဘက်မှလည်း အစ္စရေးပြည်ကို ဘယ်တော့မှ အသိအမှတ် မပြုဟုကြေငြာထားသည်။ အစ္စရေးတပ်မတော် (Israel Defence Army) မှာ ကြည်းတပ်၊ ရေတပ်၊ လေတပ်များကို နာမည်တစ်ခုတည်းဖြင့်ခေါ်ဆိုထားခြင်းဖြစ်သည်။ လွတ်လပ်ရေးရ သည့်နှစ်မှာပင် ယောင်္ကျားမိန်းမ အရွယ်ရောက်သူတိုင်း စစ်ထဲမ၀င်မနေရ ဥပဒေ (National Service Act) ထုတ်ပြန်၍ တိုင်းသူပြည်သားတိုင်း စစ်မှုထမ်းကြရသည်။ လွတ်လပ်ရေးရသည့် အချိန်မှ (၃) နှစ်အတွင်း လူဦးရေ (၂) ဆမျှဖြစ်လာအောင် နိုင်ငံပေါင်း (၅၀) ကျော်မှ အစုလိုက်အပြုံလိုက် ၀င်ရောက်လာကြသူများကို ညီညွတ်သောလူမျိုး တမျိုးတစားတည်း ဖြစ်အောင် ဖန်တီးခဲ့သည်။ ခိုကိုးရာမဲ့၍၎င်း မျိုးချစ်စိတ်ဖြင့် ၎င်းဝင်ရောက်လာကြသူများကို ဘာသာစကားနှင့် ပြောင်းလဲလာသော နိုင်ငံကိုလိုက်၍ တပ်တည်ထောင်ပေးမိခြင်းမရှိရ လေအောင် ရှောင်ရှားလျက် ဂျူးလူမျိုး ဂျူးနိုင်ငံဟူ၍သဘောတရားဝင်လာအောင် ရောထွေး ထည့်သွင်းပေါင်းသင်းဆက်ဆံမှုကို တသားတည်းဖြစ်စေရန်စီမံထားနိုင်ခဲ့သည်။

စစ်မှုထမ်း အက်ဥပဒေ

အစ္စရေးပြည်သည် ကမ္ဘာအရပ်ရပ်မှ ဒေသဓလေ့ပေါင်းမျိုးစုံဖြင့် ဂျူးလူမျိုးများပြောင်း လာ၍ နိုင်ငံတည်ထောင်ခြင်းဖြစ်သည်။ ထိုနိုင်ငံပေါင်း ၅၄ နိုင်ငံမှပြောင်းလာသည့် လူဦးရေကို ဘာသာစကားတခုတည်း၊ ယဉ်ကျေးမှုတရပ်တည်း အဖြစ်သို့ရောက်အောင် ပြောင်းလဲရေးမှာ လွယ်ကူသော အလုပ်မဟုတ်ပေ။ အခြားတိုင်းတပါးမှ ပြောင်းရွှေ့လာကြခြင်းဖြစ်၍ နိုင်ငံသစ်ကို မိမိ၏မြေ၊ မိမိ၏နိုင်ငံဟူ၍စိတ်တွင် ယုံကြည်မှတ်ယူလာစေရန်မှာလည်း ကာကွယ်ရေးအတွက် အရေးကြီးလှသည်။ ယောင်္ကျားမိန်မး အရွယ်ရောက်သူတိုင်းကို စစ်မှုမထမ်းမနေရဟု စီမံထားချက်သည် တစ်နိုင်ငံလုံးကို စစ်အာဏာနှင့် နိုင်ငံဖြစ်အောင် ဖန်တီးထားခြင်းမဟုတ်။ အဓိကရည်ရွယ်ချက်မှာ_

၁။ လူမျိုးခြား ဘာသာဓလေ့ထုံးတမ်းခြားနားနေသော ဂျူးလူမျိုးများကို တစ်မျိုးတည်း၊

ဓလေ့ထုံးတမ်းတစ်ခုတည်း၊ တစည်းတလုံးတည်း ဖြစ်စေရန်။

၂။ စစ်တပ်၏ စက်ယန္တယားကို အသုံးပြု၍ အခြေခံစစ်ပညာအပြင်၊လယ်ယာစိုက်ပျိုး

ရေး နှင့် စက်မှုလက်မှု အသက်မွေးဝမ်းကြောင်းများကို သင်ကြားတတ်ကျွမ်းစေ လျက်နိုင်ငံထူထောင်ရေးတွင် တိုက်ရိုက်အကျိုးရှိစေရန်။

၃။ အမြဲတမ်းစစ်တပ်ကို အတိအကျ လိုသည်ထက်မကြီးမားစေဘဲ အပြင်တွင် မိမိဘာ

သာလုပ်ကိုင်နေထိုင်သော ပြည်သူလူထုကြီးကို အရံတပ်သားများ အဖြစ်အများဆုံး

ထားရှိခြင်း၊ အလှည့်ကျ အမှုထမ်းစေခြင်းဖြင့် ကာကွယ်ရေးတွင်စရိတ်မကြီးစေဘဲ

ထိရောက်စေရန်။

၎။ စစ်ဘေးကျရောက်ပါက နိုင်ငံတစ်ခုလုံးအုံကြွ၍ ချက်ခြင်းစစ်ပြင်ဆင်မှု ထိရောက်စွာ

ပြုလုပ်နိုင်ရန် ရည်မှန်းထားခြင်းဖြစ်သည်။

စာမတတ်သူပပျောက်ရေး၊ ဂျူးလူမျိုးတို့၏ ရှေးဟောင်းဓလေ့ထုံးတမ်းများ၊ ခေတ်မှီသော ဓလေ့ထုံးတမ်းများ တူညီရေး၊ အသက်မွေးဝမ်းကြောင်းပညာ တတ်မြောက်ကြပြီး နေရာချထားပေးနိုင်ရေး၊ မြို့ပြထူထောင်ရေး၊ အမြဲတမ်းစစ်တပ် အတွက် ကုန်ကျငွေ အပိုမကုန်ခြင်း၊ ကာကွယ်ရေးအတွက် အသင့်ပြင်ဆင်မှုရှိရေးတို့သည် စစ်မှုထမ်းအက်ဥပဒေအရ လက်တွေ့ ကျင့်သုံးထားခြင်းဖြစ်သည်။ အရွယ်ရောက်သူများ အဖို့စည်းကမ်းစနစ်တကျရှိသော နိုင်ငံသူနိုင်ငံသားများ အဖြစ်သို့လည်း ရောက်ကြရသည်။ ပြည်သူ့စစ်မှုထမ်းအတွက် အရွယ်ရောက်သူများကို ခေါ်ယူခြင်း၊ မှတ်ပုံတင်စစ်ဆေးခြင်း၊ တပ်မတော်အတွင်း ရောက်ရှိလာကာ စစ်ပညာအခြေခံ ပြီးဆုံးပြီးနောက်၊ စိုက်ပျိုးရေးများမှ စ၍ စိုက်ပျိုးရေးပညာ၊ မွေးမြူရေးပညာ၊ ပန်းဘဲပန်းပုပညာ၊ လျှပ်စစ်ပညာ၊ စက်မှုပညာ၊ လမ်းဖောက်လုပ်ခြင်း၊ သစ်တောပညာ၊ ဓာတ်သတ္တုပညာ၊ လူမှုရေးနှင့် ကျန်းမာရေးပညာ၊ အချက်ပြဆက်သွယ်ရေးပညာ၊ အ၀တ်အထည် ထုတ်လုပ်ရေး ပညာ စသည်ဖြင့်မြို့ပြဘက် ဌာနများမှ တာဝန်အရပ်ရပ်တို့ကိုလက်ခံသင်ကြားပေးပြီး ဆိုင်ရာဌာနဒေသများတွင် အစုလိုက် အပြုံလိုက်နေရာချထားပေးနိုင်ခဲ့သည်။

စစ်မှုထမ်းသက်မှာ ယောင်္ကျား အသက် ၁၀နှစ်မှ ၄၉ နှစ်အထိ၊ မိန်းမ အသက် ၁၈ နှစ်မှ ၃၄ နှစ်အထိ ဖြစ်သည်။ ၁၈ နှစ်မှ ၂၆ နှစ်အထိ ယောင်္ကျားများသည် ၂ နှစ်ခွဲ၊ ၂၇ နှစ်မှစ၍ ၂၉ နှစ်အထိမှာ ၂ နှစ်အမှုထမ်းရသည်။ အရံတပ်အတွက် အသက် ၁၈ နှစ်မှ ၃၉ နှစ် အထိ တစ်နှစ်လျှင် ၃၂ ရက်၊ အသက် ၄၀ မှ ၄၉ နှစ်အထိ တစ်နှစ်လျှင် ၁၄ ရက်အမှုထမ်းရ သည်။ မိန်းမများအတွက် ၁၈ နှစ်မှ ၂၆ နှစ်အထိအတွင်း ၂ နှစ်အမှုထမ်းရပြီး၊ အရံတပ်အတွက် ၁၈ နှစ်မှ ၃၄ နှစ် အထိ တစ်နှစ်တွင် ၃၁ ရက်မျှထမ်းဆောင်ရသည်။

အစ္စရေးနိုင်ငံ၏ စစ်ပြင်ဆင်မှု

အစ္စရေးပြည်၏ စစ်ပြင်ဆင်မှု စီမံကိန်းသည် ဂျာမနီ၏ အလွန်လျင်မြန်သော နည်းစနစ်နှင့် အမေရိကန်၏ စနစ်ဇယားကျနပုံကိုပူးပေါင်း၍ စီမံထားချက်ဖြစ်ပြီး အင်အားကြီး မားသော ရန်သူများဖြင့် ရင်ဆိုင်ရန် အကြောင်းရှိသည့် နိုင်ငံငယ်တစ်ခုအဖို့အသင့်တော်ဆုံး ဖြစ်သည်ဟု ဆိုစမှတ်ရှိသည်။ အမြဲတမ်းတပ်မှာ နိုင်ငံ၏ဘဏ္ဍာရေး၊ စီးပွားရေးအခြေအနေအရ အင်အားကြီးမားနိုင်သည် မဟုတ်သဖြင့် စစ်ပြင်ဆင်မှု စီမံကိန်းသည် အရံတပ်၏ ထိန်းသိမ်းစီမံထားပုံကို အထူဂရုပြုရမည်ဖြစ်သည်။ စစ်အခြေအနေကြုံလျှင် ကြည်းတပ်၊ ရေတပ်၊ လေတပ်တို့တွင် အမြဲတမ်းစစ်သည်များထက် အရံစစ်သည်များက ပိုမို၍လာမည် ဖြစ်သဖြင့် ကောင်းစွာလေ့ကျင့်ပြီးသော အရံစစ်သည်မည်မျှရှိသည်ကို ထည့်သွားတွက်ချက် ရသည်။ အစ္စရေးနိုင်ငံသည် အရံတပ်၏ အင်အားကိုပြည်သူ့စစ်မှုထမ်း အက်ဥပဒေဖြင့် လက်တွေ့တည်ဆောက်လျက်ရှိသည်။ ပြည်သူ့စစ်မှုထမ်းသက်စေ့ရောက်သူတိုင်း အရံတပ် အင်အားသို့ ပြောင်းလွှဲပို့အပ်ခြင်း ခံရလျက် အောက်ပါမူများဖြင့်ဖွဲ့စည်းထားသည်။

၁။ အရံတပ်ဖွဲ့စည်းပုံမှာ ဒေသအလိုက် ဖြစ်သည်။ မည်သည့် နယ်ဘက်မှ တိုက်ခိုက်

လာသည်ဖြစ်စေ၊ အမြဲတမ်းတပ်ကကျေးရွာများရှိ နယ်သူနယ်သားအရံတပ်စစ်မှု

ထမ်းတို့ကို ချက်ချင်းလက်နက်တပ်ဆင်နိုင်ပြီး စစ်ကူအင်အားမရောက်လာမီ ရန်သူ

ကိုထိန်းထားနိုင်ရန် ရည်ရွယ်သည်။

၂။ အမြဲတမ်း တပ်များကို အပြင်းအထန်လေ့ကျင့်ပေးရမည်။ အရေးကြုံ၍ အရံတပ်များ

ကိုဆင့်ခေါ်လိုက်သည့်အခါ အမြဲတမ်းတပ်စစ်သည်များသည် ငြိမ်းချမ်းသော အခါ

ထမ်းရွက်ရသော တာဝန်ထက် တဆင့်သို့မဟုတ် ထိုထက်ပိုမို၍မြင့်သော တာဝန်

ကိုထမ်းရွက်နိုင်ရမည်ဖြစ်သည်။ အဆပေါင်းများစွာ ပိုမိုကြီးမားလာသောတပ်မ

တော်တွင် သော့ချက်ဖြစ်သော အရာရှိ အရာခံ နေရာများကို ဖြည့်တင်းနိုင်အောင်

လေ့ကျင့်ထားပြီးဖြစ်ရမည်။

၃။ အရံတပ်စစ်မှုထမ်းများအား အလျင်မြန်ဆုံး ဆင့်ခေါ်စုရုံးပြီး သတ်မှတ်ထားသော

မြို့ပြကျေးရွာမှ အရံတပ်စစ်မှုထမ်းတို့အား မည်သို့ဆင့်ခေါ်မည်၊ မည်သို့စုရုံးမည်

ကိုကြိုတင်၍ တာဝန်ပေးအပ်ခြင်း ဟောပြောထားခြင်းများရှိရမည်။ စစ်ပြင်ဆင်မှု

လမ်းခရီးနေရာ ဒေသများကို တာဝန်ရှိသူတိုင်းသာ သိရှိထားကြရမည်။

၎။ လက်နက်ခဲယမ်း မီးကျောက်နှင့် အစားအသောက် အ၀တ်တန်ဆာတို့ကို အလျင်

အမြန်ဆုံးနည်းဖြင့် ဖြန့်ဖြူးပေးခြင်း၊ ကြီးမားသော စစ်ပစ္စည်းသိုလှောင်ရေးဌာနများ

တွင်သာ မဟုတ်။ တပ်ရင်း၊ တပ်မဟာ နယ်များအတွင်း၌လည်း အရံတပ်အင်အား

အလိုက် ရန်သူ၏ ပထမ တိုက်ခိုက်ခြင်းကို ခံနိုင်အောင်ထားရှိရမည်။

စစ်ပြင်ဆင်မှု အတွက်ဆင့်ခေါ်သည်နှင့်တပြိုင်နက် အရာရာတွင်စည်းကမ်းစနစ်ရှိ စေရန်ထက် လျင်မြန်စွာ ရန်သူနှင့်ရင်ဆိုင်နိုင်သော အခြေသို့ ရောက်ရှိခြင်းကို ပို၍ ဦးစားပေးရမည်ဟုအားဖြင့်ထားရှိသည်။ ရန်သူနှင့် ရင်ဆိုင်ရောက်ရှိပြီးမှ လိုသောပစ္စည်း၊ လိုသောရိက္ခာ၊ လိုသောလူအင်အားကို နောက်ပိုင်းမှ စီစဉ်ပေးမည်ဟု ဆိုလိုသည်။ ဆင့်ခေါ်ရာတွင်လျှို့ဝှက်ဆင့်ခေါ်နည်း၊ ကြေငြာ၍ ခေါ်ယူနည်းဟု နှစ်မျိုးထားရှိသည်။ မည်သည့်နည်းနှင့် မဆို ထိထိရောက်ရောက်ရှိရန် ကြိုတင်သင်ကြားဟောပြောထားသည်။ လျှို့ဝှက်သောခေါ်ယူနည်းမှာ တပ်များကို တခုစီစကားဝှက်ဖြင့် အမည်ပေးထားပြီး ၎င်းစကားဝှက်ဖြင့် သတ်မှတ်ထားသော ပုံစံများဖြင့် ရေးသား၍ကျေးရွာတာဝန်ခံများမှ တဆင့်တိတ်တဆိတ် လူကိုယ်တိုင်အရောက် လှည့်လည်ပေးပို့ခြင်းဖြစ်သည်။ ဗြောင်ဆင့်ခေါ်ရာတွင် ရေဒီယိုမှ၊ သတင်းစာများမှ တပ်၏ နံပါတ်များကို အသုံးပြု၍ စစ်ပြင်ဆင်မှုပြုလုပ်သည်။ လျှို့ဝှက်ခေါ်ယူနည်းတွင် ကြိုတင်စီစဉ်ထားသည့် အတိုင်း တပ်မဟာရုံးမှ တပ်ရင်းတာဝန်ခံများသို့ ၊တပ်ရင်းတာဝန်ခံတပ်ခွဲ တာဝန်ခံများသို့ တဆင့်ပြီးတဆင့် ကိုယ်တိုင်ကိုယ်ကျ လိုက်လံဆင့်ခေါ်ရသည်။ လူတစ်ဦးက ဆယ်ဦးသို့ အကြောင်းကြား၊ ၎င်းဆယ်ဦးက နောက်ထပ်ဆယ်ဦးစီထပ်မံအကြောင်းကြားစသည်ဖြင့် ချက်ချင်းပြန့်ပွားသွားကာအရံတပ်စစ်မှုထမ်းတိုင်းသို့ ရောက်သွားနည်းဖြစ်သည်။ ကြိုတင် သတ်မှတ်ထားသည့်အတိုင်းပင် ချက်ချင်း ဆင့်ခေါ်ရမည့် မော်တော်ယာဉ်များကိုလည်း လူများနှင့် အတူပင် ဆင့်ခေါ်၍ ကျေးရွာမြို့ပြမှ အရံတပ်စစ်မှုထမ်းများထိ သယ်ယူပို့ဆောင်ရေး ပစ္စည်းများ ရွှေ့ပြောင်းရေးတို့တွင် ပါဝင်ကြရသည်။

စစ်ပြင်ဆင်မှု အမိန့်ရရှိပြီးနောက် ၆ နာရီအတွင်း စစ်လက်နက်ပစ္စည်းများကို တပ်ခွဲများစုရုံးရာ နေရာများသို့ ယူဆောင်သွားကြမည့် လူများ ၊ယာဉ်များရောက်ရှိလာသည်။ ရေတွက်ရမည့်ပစ္စည်းများကို ရေတွက်ခြင်း၊ စစ်ဆေးပေးခြင်းမှာ ၁၂ နာရီမျှကြာလျက် တပ်ခွဲတစ်ခု၏ လက်နက်စစ်ဝတ်တန်ဆာနှင့် ချက်ပြုတ်ရန် အိုးခွက်အထိ ၃ တန်ကားများပေါ်သို့ တင်ပြီးရန် မိနစ် ၃၀ ကုန်သည်။ အရံတပ် စစ်မှုထမ်းများအတွက် မိမိ၏ မြို့ပြကျေးရွာများမှ ထွက်ခွာ၍ သတ်မှတ်ထားသည့် စုရုံးရမည့် နေရာများသို့ သွားရာလမ်းများ၊ ပစ္စည်းများ သယ်ယူလာရမည့်လမ်းများမှာ စစ်ပြင်ဆင်မှု အမိန့်ထုတ်ပြန်လိုက်သော အချိန်မှပင်စ၍ စစ်ဘက်မှ ထိန်သိမ်းထားနေပြီးဖြစ်သည်။ ရှေးဦးစွာ လူများသည် အနီးဆုံးမြို့တွင် စုဝေးလာရောက်ကြရပြီး ထိုနေရာမှ အသင့်စောင့်နေသော ကားများဖြင့် လက်နက်တပ်ဆင်ရန် စုရုံးရာနေရာ အသီးသီးသို့ သွားရောက်ကြရသည်။ ၆ မိုင်ထက်မဝေး လျှင်ခြေလျင်သွားရသည်။


စစ်တို့ရဲ့နောက်ဆုံး


၁၉၄၈ ခုနှစ် ဂျေရုစလင်မြို့ဟောင်းတိုက်ပွဲ၊ ၁၉၆၇ ခုနှစ် အစ္စရေး နှင့် အာရပ်ကမ္ဘာ(၆) ရက်ကြာစစ်ပွဲ၊ ၁၉၇၃ ခုနှစ် မကြေလည်မှုများရဲ့တုန့်ပြန်မှု စသောတိုက်ပွဲများအကြား အစ္စရေး နှင့် အာရပ်နိုင်ငံများသည် တစ်ဖက်နှင့်တစ်ဖက် ပြင်းထန်စွာ အပြန်အလှန်ကျူးကျော် တိုက်ခိုက်ခဲ့ကြလေသည်။ ထိုတိုက်ပွဲများကြောင့် အနောက်အာရှလည်း စစ်တလင်းမြေဖြစ် ခဲ့ရသလို ထိုနိုင်ငံနှင့် ပတ်ဝန်းကျင်နိုင်ငံများလည်း အများအပြား ထိခိုက်နစ်နာဆုံးရှုံးမှုများဖြစ်ခဲ့ ရလေသည်။ ထိုစစ်ပွဲများအတွင် ကုလသမဂ္ဂ၏ ကြားဝင်စေ့စပ်ဖြေရှင်းပေးမှု များကြောင့်သာ ထိုနိုင်ငံများအကြား ငြိမ်းချမ်းရေး သဘောတူစာချုပ်ချုပ်ဆိုကာ စစ်ပွဲများကိုချုပ်ငြိမ်းစေခဲ့ရ လေသည်။ သို့သော်လည်း ယနေ့ထက်တိုင် ထိုနိုင်ငံများအကြား သွေးတိုးစမ်းမှုများ၊ ရန်စစော်ကားမှုများကား မကြာခဏဆိုသလို ဖြစ်ပေါ်လျက်ရှိနေပေသေးသည်။

ကမ္ဘာပေါ်တွင် ဖြစ်ပေါ်ခဲ့သောစစ်ပွဲများကို ကြည့်လျှင် စစ်အောင်နိုင်သူရော၊ စစ်ရှုံးနိမ့် သူများအတွက်ပါ ဆုံးရှုံးမှုများ၊ ထိခိုက်ကျဆုံးမှုများ၊ ၀မ်းနည်းကြေကွဲစရာ ကောင်းသော ရလဒ် များကို အနည်းနှင့်အများ စစ်အတွင်းပါဝင်ဆင်နွှဲသော နိုင်ငံတိုင်းရရှိခံစားရမည်ဖြစ်ပေသည်။ မည်သို့ပင်ဆိုစေကာမှု လောကကြီးက အရာရာကိုအဖက်ဖက် မှပြီးပြည့်စုံအောင် ဖန်တီးထားသည် ဆိုသည့်အတိုင်း လောကအတွက် အကျိုးရှိအောင်၊ လောကကြီးလှပအောင် အလှဆင်သူများ အများအပြားရှိသလို၊ လောကကြီးအတွက် အကျိုးယုတ်အောင်၊ အကြီးတန်ယုတ်ဆိုးအောင် ဖျက်ဆီးသူများကလည်း ရှိနေမည်သာဖြစ်ပေသည်။ ထို့ကြောင့်ကျွန်ုပ်တို့ နိုင်ငံနှင့် လူမျိုးများ အနေဖြင့်လည်း ကိုယ့်နိုင်ငံ၊ ကိုယ့်လူမျိုး ကိုမည်သည့် နိုင်ငံကမျှ မစော်ကား၊ မကျူးကျော်နိုင်အောင် စည်းလုံးညီညွတ်စွာ မျိုးချစ်စိတ်၊ နိုင်ငံချစ်စိတ်များဖြင့် ကိုယ့်တာဝန်ကိုယ်ကျေပွန်အောင် ကြိုးစားအားထုတ်နေထိုင်သွားကြရန် လိုအပ်ပေသည်။




နောက်ဆုံးသုတ

ကျွန်တော်တို့ အနေဖြင့်အစ္စရေးနိုင်ငံအကြောင်းအား ဖတ်ရှုလေ့လာခြင်းဖြင့် အစ္စရေးလူမျိုးတို့ အနေဖြင့် ကမ္ဘာပေါ်တွင် အစ္စရေးဟူသော နိုင်ငံတစ်နိုင်ငံ ပေါ်ပေါက်လာအောင် ခက်ခဲပင်ပန်းစွာ ကြိုးစားအားထုတ်၍ ရပ်တည်ခဲ့ရကြောင်းကိုတွေ့မြင် နိုင်ပေသည်။ အစ္စရေးလူမျိုးတို့ အနေဖြင့် နိုင်ငံမဲ့ လူမျိုး ဘ၀မှ ယခုအခါ ကမ္ဘာပေါ်တွင် ရန်သူများအကြား၌ တည်ရှိနေသော နိုင်ငံတစ်နိုင်ငံဖြစ်သော်လည်း ခိုင်ခံ့တည်တံ့စွာ မားမားမတ်မတ် ရပ်တည်နိုင်နေခြင်းမှာ အစ္စရေး လူမျိုးတို့၏မျိုးချစ်စိတ်ဓာတ် ၊ နိုင်ငံချစ်စိတ်ဓာတ် နှင့် အစ္စရေးလူမျိုးခေါ် ဂျူးလူမျိုးတို့၏ စည်းလုံးညီညွတ်မှုရှိခြင်းကြောင့် ဖြစ်ကြောင်းတွေ့ရှိရမည်ဖြစ်ပါသည်။ ဤထဲတွင် ဂျူးလူမျိုးတို့ စည်းလုံးညီညွတ်မှုရှိနေခြင်းမှာ အဘယ်ကြောင့်နည်း…… ဂျူးတို့ အနေဖြင့် နိုင်ငံမဲ့ လူမျိုးများဖြစ်ခဲ့ခြင်း၊ ပါလက်စတိုင်း ဒေသမှ မောင်းထုတ်ခံခဲ့ရခြင်း၊ စစ်အာဏာရှင် ဟစ်တလာလက်ထက် ဂျူးများကို လူမျိုးတုန်း သက်ဖြတ်မှုများပြုလုပ်ခဲ့ခြင်း၊ အစ္စရေးနိုင်ငံ အနေဖြင့် ရန်သူ့နိုင်ငံများ အကြားတွင်တည် ရှိနေခြင်း၊ အစ္စရေးနိုင်ငံ ကမ္ဘာမြေပုံပေါ်မှ ထပ်မံပျောက်ကွယ်သွားမည်ကိုစိုးရိမ်ပူပန်ခြင်း စသည့်အကြောင်းများကြောင့် ဂျုးလူမျိုးတို့၏စိတ်ထဲတွင် ရိုက်ထည့်စရာ မလိုပဲ ငါတို့ စည်းလုံးမှ ဖြစ်မည်ဟူသော စိတ်သည် ဂျူးလူမျိုးတို့၏ စိတ်တွင်စူးနစ်စွဲထင်နေခြင်းဖြစ် ပေသည်။ သို့ကြောင့်လည်း ဂျူးလူမျိုးများ သည်လွတ်ရေး ရပြီးသည်မှစ၍ ကမ္ဘာပေါ်တွင် အစ္စရေးဟူသောနိုင်ငံ ခိုင်ခံ့စွာတည်ရှိနေရေးအတွက် အဘက်ဘက်မှ ကြိုးစားအားထုတ်ခဲ့ကြ သဖြင့် ယခုအခါတွင် အစ္စရေးဟူသော နိုင်ငံသည် ကမ္ဘာပေါ်တွင် ရန်သူ့များ အလယ်၌တည်ရှိ နေသော်ငြားလည်း ကမ္ဘာနိုင်ငံများက လေးစားရလောက်သော နိုင်ငံတစ်နိုင်ငံအဖြစ်မားမား မတ်မတ်ရပ်တည်နိုင်နေပြီဖြစ်ပေသည်။

ကျွန်တော်တို့ နိုင်ငံအနေဖြင့် လည်းအစ္စရေးနိုင်ငံနှင့် အစ္စရေးလူမျိုးတို့၏ စိတ်ဓာတ် နှင့် စည်းလုံးညီညွတ်မှုတို့ကို အတုယူ၍ ကြိုးစားအားထုတ်သင့်ကြောင်းတင်ပြလိုက်ရပါသည်။

ကျမ်းကိုးစာရင်း…

• ကမ္ဘာ့သမိုင်း၏ မှတ်တမ်းများ………

• အာရပ်-အစ္စရေးတို့၏ ကမ္ဘာ့ကျော်အရေးအခင်းများ……..

• အာရပ်-အစ္စရေး(၆)ရက်ကြာစစ်ပွဲ…….

• http://en.wikipedia.org/wiki/Israel

• http://en.wikipedia.org/wiki/History_of_Israel